عشرة عمر
يا مرا لا تنادي
ما في حدا من ولادي
مدري صرلون شي و ختفو
مدري أخدهم الدهر و ضاعو
سافروا عجناح الغربه
نكروا كل صداقة و قربة
بعلمي مبارح كانوا هون
فجأة ما عاد الصورهن لون
كل مناي يا ابني
عمحفر قبري تاخدني
تذكر إنو عندك بي
ولو مربيك عل خبزه والمي
كان يحبك و يضل حدك
وبالعز يفرشلك دربك
فجأة كبرت و نسيتو
وعن لسانك نزاحيت سيرتو
يا بيي والله ما نسيتك
و علساني ديماً سيرتك
يقطع بيا هل غربي
البيعدتني عن حبابي
لبنان هيدا منو بلد
من وقت البي لوقت الولد
الحاله هي زيتا
نكان بوقتي أو بوقت التيتا
ما شي تغير
واكيد مش حيتغير
باب الهجرة خلص نفتح
الشاب اللبناني
بعمرو ما حيضل باقي
بوطن منو مقدر في
و مش ضمنلو الوظيفه
بالنتيجه حقو يعيش
ويصير من الدراويش
أصلي أكيد مني ناسي
عيلتي ديماً عراسي
الك مني و عليي
ضلني ذاكر يا بيي